Eth sindic demane transméter qu'era val arreceberà es sóns visitaires.

-Ath Rei-

*Eth sindic d'Aran, Carles Barrera, a demanat aguest diuendres ath dauant deth Rei Sofia transméter que tota era val arreceberà "bona que jamès" es sòns visitaires dempús es inondacions sofrides era setmana passada.

 
*Ac a dit ar unic discors pendent era visita deth Rei a Arties, a on a arribat dempús era sua visita deth maitin ara val de Benasc, que tanben patic inondacions.
 
*"Li demani que pogue trasladar --perque ac a vist e ac veirà-- qu'era Val d'Aran ei aciu, pòt aufrir e aufrim tot era nòsta esplendor", li a demandat pendent era sua visita ara glèisa de Sant Joan, a on s'a trapat damb autoritats, afectadi pes inondacions e representants des equips d'emergéncia qu'an trabalhat aguesti dies.
 
*"Es nòsti clients e amics que venguen seràn mès ben arrecebudi que jamès", a hijut Barrera deuant sòn e eth ministre der Interior, Jorge Fernández; era vicepresident dera Generalitat, Joana Ortega; era delegada deth Govèrn a Catalonha, Llanos de Luna, e era subdelegada a Lleida, Inma Manso.
 
*Barrera a demanat aguest supòrt en nom deth Conselh Generau d'Aran e des empresaris e vesins aranesi, e a arregraït era visita: "Majestat, plan de gràcies per acompanhar-mos, per èster aciu damb nosati, e per aguest input en positiu".
 
*Eth rei Sofia --arrecebuda damb aplaudiments de vesins ar entrar e gésser dera glèisa d'Arties-- s'a desplaçat en elicoptèr des d'Aragon enquia Vielha, e a arribat en coche enquiara glèisa, a on a pogut veir es plafons que s'an plaçat per compréner es damnatges causadi ena zòna.

 

Bretón didec "enquia tres còps" qu'auie aucit es sòns hils

Bretón didec "enquia tres còps" qu'auie aucit es sòns hilhs

 

 

*Eth cosin de Ruth Ortiz, era mair des mainatges Ruth e José supausadament assassinadi peth sòn pair, José Bretón, e que visitèc er acusat en centre Penitenciari d'Alcolea a Còrdova diuèrsi mesi dempús era desaparicion des petiti, a destacat que Bretón li didec "enquia tres còps" qu'auie aucit as petiti.

 
*Atau ac a manifestat as periodistes abans d'entrar ena Audiència Provinciau entara nauau session deth judici, entara qu'eth cosin de Ruth, Juan David López, se mòstre "tranquil" e demore que Bretón li demòstre es contradiccions en què ditz qu'a incorregut sus es convèrses que mantenguec ena preson.
 
*Mentretant, er avocat dera defensa, José María Sánchez de Puerta, ditz que preve "desmontar" es testimònis de Juan David e sajar hèr veir qu'"a contradiccions fòrça accentuades" e ei un testimòni "plan subjectiu", e ath temps aclarís qu'en aguest moment ja no ei possible un acarament entre eth cosin de Ruth e eth sòn client.

Creen ua hiestreta unica pes inondacions der Aran (2013)

-300 Persones evacuades der Aran

Creen ua hiestreta unica entàs afectadi pes inondacions der Aran e eth Pallars

 

*Eth Conselh Executiu a decidit aguest dimars crear ua hiestreta unica per atier es afectadi pes inondacions qu'era setmana passada aueren lòc a Val d'Aran e eth Pallars Sobirà (Lleida).

 
* Ena arròda de premsa posteriora ath Conselh Executiu, eth conselhèr de Presidéncia e portavotz deth Govèrn, Francesc Homs, a explicat que seràn eth Conselh Generau d'Aran e eth conselh comarcau deth Pallars Sobirà es qu'assumisquen aguesta foncion d'atencion as damnatjats.
 
* Es intenses ploges e eth desglaç provoquèren era setmana passada eth desbordament des arrius Garona e Noguera Pallaresa, e enquia 300 persones deueren èster evacuades des sues cases.

 

Mès d'un milion se manifèsten a tot eth Brasil (2013)

-Damb grèus disturbis ena capital-

Mès d'un milion de persones se manifèsten a tot eth Brasil

 

 

*Mès d'un milion de persones s'a manifestat aguest dijaus en lèu ua centena de ciutats brasilianes en el marc dera grana protèsta sociau que comencèc hè setmanes. S'an enregistrat grèus disturbis en un minim d'ua desena de localitats, includidi un assaut ath Congrès e ath Ministèri d'Exteriors.

 
* A Brasília, ues 20.000 persones --segontes era policia militara-- an inundat eth centre dera capital per partir cap ath Congrès, qu'ère fòrtament protegit per un totau de 3.500 agents e uet, ja que s'a autorizat as legisladors a no assistir ara session dera tarde, coma mesura preventiva.
 
 *Era majoria des manifestants s'a concentrat de manèra pacifica ath dauant dera esplanada coneishuda coma Miralh dera Aigua, mès un grop a sajat assautar eth Congrès. "Aucupe e resistís", an cridat, segontes era cadea O'Globo.

Padrosa:OAC veirà era relacin damb era enterpresa privada.

-Catsalut-

Padrosa: OAC veirà era relacion damb era enterpresa privada reglamentària

 

 

+Eth director deth Servici Catalan dera Salut (CatSalut), Josep Maria Padrosa, a augurat aguest diuendres qu'era Oficina Antifraudaria de Catalonha (OAC) veirà era sua relacion damb era enterpresa privada "totaument reglamentària", maugrat qu'a arreconeishut que mantenguie eth sòn cargue com apoderat.

 
* En declaracions a Catalunya Ràdio recuelhudes per Europa Press, Padrosa a assumit que deuec signar contractes damb es enterpreses acorropades entorn de Corporacion Fisiogestió --grop d'enterpreses deth quau a estat director generau abans d'accedir ath CatSalut--, maugrat qu'a senhalat qu'eth concors public dataue deth 2006.
 
* Eth director der organisme encargat de contractar era activitat sanitària de toti es centres catalans --eth 2012 eth CatSalut auec un pressupòst de 8.506 milions d'èuros e destinèc 14 milions as enterpreses que Padrosa mantenguie eth sòn cargue d'apoderat-- a arrebrembat era sua disposicion a comparéisher en Parlament amassa damb eth conselhèr de Salut dera Generalitat, Boi Ruiz, e a insistit que desconeishie qu'era enterpresa no li auie dat de baisha.

 

Inondacions a la Vall d'Aran (2013)

-Inondacions provocada pera creishuda des arrius,
maugrat qu'eth sòn cabau a diminuït-

  *Segons a informat Emparança Civiu, un totau de 323 persones contunhen deslotjades en Aran e es Pirenèus de Lleida --a Llavorsí i a sies persones a Aldi que s'an demorat per volentat pròpria, sense que corren perilh--, uns 1.400 abonadi d'Endesa contunhe sense subministrament electric e seguís es afectacions ena telefonia fixa e de mobil.
  
*Eth transpòrt escolar ena Val d'Aran s'a suspenut, e es escòles son dubèrtes sonque per acuélher es que vagen; ena comarca deth Pallars Sobirà s'an suspenut eth transpòrt que passe pes localitats de Llavorsí, Esterri, Rivera de Cardós i Alins.

 

Pujol confie enes sòns hilhs més "an era sua vida"

Aranès

-No pòt arrespòner per eri-

Pujol confie enes sòns hilhs mès "an era sua vida"

 

 

Er expresident dera Generalitat Jordi Pujol (CiU) a exprimit aguest dimèrcles sus acusacions de presomptius delictes a hilhs sòns: "I è fidança e en tot cas, es mèns hilhs an entre 42 e 54 ans, e per tant an era sua vida".

No ei que me desinterèssa o que no me responsabiliza. Arresponi de jo madeish", a hijut, en ua entreviste eth Catalunya Ràdio recuelhuda per Europa Press.

A destacat qu'enes sòns ans ath Govèrn, un des sòns conselhèrs, Jaume Roma, qu'aucupèc entre 1994 e 1996 era cartèra de Politica Territoriau e Òbres Publiques, demissionèc dempús publicar-se informacions sus presomptiva corrupcion, cas qu'ans mès tard era Audiència de Barcelona arxivar.

CaixaBank artenher plusvalues de 33 milions (2013)

-Dempús véner a Slim eth 3,7% de GFI-

CaixaBank artenher plusvalues de 33 milions

 

 

CaixaBank a obtengut ua plusvalua neta de 33 milions d'èuros dempús véner a Immobiliària Kras, proprietat dera familha deth multimilionari mexican Carlos Slim, eth 3,7% dera capital sociau de grop financèr Inbursa (GFI) per 6.500 milions de pesi (387 milions d'èuros), segons a informat aguest diuendres era entitat ara Comission Nacionau deth Mercat de Valors (CNMV).

  
En totau, CaixaBank a venut ara familha Slim 250 milions d'accions de GFI a un prètz de 26 pesi (1,52 èuros).

  Dempús aguesta operacion, era entitat retalhe era sua participacion a GFI, eth braç financèr de Carlos Slim, enquiath 16,3%, si bé plaçarà aute 6,4% entre inversors institucionaus e minoristes a Mèxic e en mercat internacionau.

 

-Salut Mentau-

Era crisi tire un 19% es casi de depression a Espanha

   

 

* Era crisi a tirat un 19% es casi de depression e un 8,4% es d'ànsia, segons revele un estudi que s'a dat a conéisher ath V Congrès Catalan de Salut Mentau, que se celèbre des d'aguest dijaus enquiath dissabte ath CosmoCaixa de Barcelona.

  
*Es dades deth trabalh revelen qu'eth 28,9% dera poblacion atenguda en centres d'atencion primària eth 2006 patie depression, ua chifra qu'eth 2010 ascendia a 47,5%, a informat aguest dimèrcles en un comunicat era Fondacion Congrès Catalan de Salut Mentau (CCSM).
 
* Tanben a aumentat er alcoholisme en 4,8 punts, en tot passar deth 1, 4% ath 6,2% entre 2006 e 2010, causa qu'es responsables der estudi atribuïssen ara precarització deth trabalh, eth caumatge, era inestabilitat economica e era praubesa.

 

Catalonha,lidèr mundial Trasplantacions d'Arnelh

Catalonha, se manten coma lidèr mondiau de trasplantacions d'arnelh

 

 

Catalonha manten eth sòn lideratge ena taxa totau de trasplantacion renal mès nauta deth món damb un 73 per milion de poblacion (pmp) eth 2012, segons a informat aguest dimars er Espitau de Bellvitge e era Conselheria de Salut dera Generalitat en un comunicat conjunt.

Eth responsable dera seccion de trasplantacions der Espitau de Bellvitge, José Maria Cruzado, a atribuït aguest progrès ar "aument ena donacion de viu, era més bona gestion de donadors potenciaus e es auanci tecnics".

Eth 2012, Catalonha enregistrèc un 26% de trasplantacions renals de donador viu: "Era donacion en viu ei era més bona opcion entà un malaut en tot demorar trasplantacion renal" perque permet hèr era trasplantacion abans deth començament deth tractament renal substitutiu, de manera que s'obtien més boni resultats e eth receptor guanhe qualitat de vida.

 

Catalonha expòrte més qu'abans de c

Catalonha expòrte mès qu'abans dera crisi

 

Eth president dera Generalitat, Artur Mas, a destacat aguest diuendres que Catalonha ja expòrte mès en tèrmes absoluts qu'abans dera crisi, e a augurat qu'açò contribuïrà ara recuperacion economica, sempre qu'era rèsta de mercats deth món evolucionen favorablament.

 

"No auem seguretats, mès auem oportunitats. S'Europa va ben e plan des païsi de dehòra eth continent contunhen en tot anar ben, Catalonha a ua oportunitat per situar-se en bona posicion perque ei un país de mentalitat dubèrta, plan de bolcat ara en mercat exterior," a afirmat pendent era sua visita ara enterpresa de pintures Jotun a Castellbisbal (Barcelona) amb motiu deth 50 aniversari dera sua arribada a Espanha.
 
En aguesta linha, Mas a explicat qu'era comunitat catalana a guanhat respecte deth 2008 un totau d'11. 500 companhies que venen es sòns productes ar estrangèr, e a destacat qu'es païsi de dehòra Europa cada còp an mès pes enes exportacions.