-Possibla Fraudaria Fiscau-Messi, sus Hisenda: "Sò plan tranquil"-
Eth jogador deth FC Barcelona Leo Messi a assegurat aguest dimèrcles èster "plan tranquil" en tot referir-se ara sua imputació ath cant dera deth sòn pair en un cas de possibla fraudaria fiscau, ena quau se les acuse d'auer fraudat a Hisenda 4 milions d'èuros damb es sòns drets d'imatge pendent es ans 2007, 2008 e 2009, ja que desconeish aguesti tèmes e confie enes sòns assessors.
"Sò plan tranquil, sò en banda de tot açò. Eth mèn pair e jo auem es nòsti assessors, que manegen aguestes causes e i confiam. Demori qu'ac solucionen. No compreni arren de tot açò e per açò auem avocats", a assegurat en arròda de premsa er argentin.
Eth passat 24 de junh eth jogador deth FC Barcelona paguèc ara Agéncia Tributària 10 milions d'èuros en declaracions complementàries der IRPF pes sòns drets d'imatge corresponents as exercicis fiscaus deth 2010 e 2011, qu'a presentat era setmana passada, segons confirmèren a Europa Press hònts dera investigacion.
Cap comentari:
Publica un comentari a l'entrada