Rajoy exigís a Mas "leiautat institucionau"

Eth president deth Govèrn centrau, Mariano Rajoy, a tornat a deféner aguest dimèrcles eth dialòg coma "eth més bon esturment entara recèrca de solucions as problèmes" e a exigit ath president dera Generalitat, Artur Mas, que, ena negociacion dubèrta sus es reivindicacions catalanes, actue damb "responsabilitat, leiautat institucionau e respecte deth marc juridic" vigent. Atau ac a assegurat Rajoy en Plen deth Congrès, en responsa ath portavotz adjunt de CiU ena cramba baisha Pere Macias, qui li a demanat quina responsa pense dar er executiu ath dauant der "èxit" que supausèc era cadea umana convocada per reivindicar era independéncia de Catalonha en tot coïncidir damb era Jornada deth passat 11 de seteme. Rajoy a arrebrembat a Macias era responsa qu'a enviat per carta a Mas: "En era ei fixada era mia posicion damb meridiana claretat", a dit.