Moris Manolo Escobar as 82 ans a Benidorm (2013)

Eth cantaire espanhòl Manolo Escobar a mòrt aguest dijaus as 82 ans a Benidorm, segons an confirmat a Europa Press hònts pròplèus ara familha. A mitjans deth mes deth seteme passat eth sòn representant, Gabriel García Mármol, a explicat a Europa Press qu'eth cantaire suspenie es actuacions qu'auie previstes entàs pròplèus mesi deth 2013 pr'amor d'ua requeiguda ena sua malautia de càncer que l'obligarà a aumentar eth sòn tractament de quimioteràpia. Era decision se hec publica dempús qu'eth cantaire siguesse entrat en un espitau de Benidorm, a on residie enquia aué, dempús ua revision ena quau es mètges determinèren que calie aumentar eth tractament còntra eth càncer. Manuel García Escobar neishec a Las Norias de Daza, er Ejido, Almeria, eth 19 d'octobre deth 1931 e a destacat coma cantaire deth coblet andalós e era cançon espanhòla.