Eth nombre d'ipotèques se situéc en 12.704.

Er arrepè interannau d'octobre, damb eth quau es abitatges hipotecats encadenen 42 mesi de queigudes consecutives, ei mès de sèt punts inferior ath deth seteme, quan es abitatges hipotecats se redusiren un 30,9%. Totun, era chifra totau d'ipotèques sus abitatges (14.704) ei des mès baishes de dera sèrie istorica comparabla, iniciada eth 2003. Er impòrt mejan des ipotèques constituïdes sus abitatges arribèc eth dètzau mes der an as 103.246 èuros, un 2,5% mès qu'ath madeish mes deth 2012, mentre qu'era capital prestada s'a redusit un 21,3% en taxa interannau, enquia 1.518,1 milions d'èuros. En taxa mensuau (octobre respecte de seteme), es ipotèques sus abitatges diminuïren un 1%, eth descens mès redusit aguest mes des deth 2009. Era capital prestada entàs abitatges hipotecats enregistrèc ua aumentacion mensuau deth 5%, eth repunt mès naut des darrèri cinc ans. Damb era disminucion d'octobre, es ipotèques sus abitatges acumulen un descens deth 27,7% es dètz prumèrs mesi der an respecte deth madeish periòde deth 2012, damb arrepès deth 30,7% ena capital prestada e deth 4,1% en impòrt mejan.