Detengut un venedor damb genre falsificat...(2013)

-Tarragona-

Detengut un venedor damb genre falsificat en un mercat de Santa Oliva

 

 

Es Mòssos d'Esquadra detengueren dissabte passat un òme de 26 ans coma presomptiu autor d'un delicte còntra era proprietat intellectuau que venie ròba falsificada en ua estancada deth mercat de Santa Oliva (Tarragona), segons a informat aguest diuendres era policia catalana.

 Ua policia dehòra servici alertèc eth 6 d'abriu qu'en ua estancada deth mercat se podie véner ròba falsificada, e ua patrolha de paisà verifiquèc qu'ena part superiora deth taulell i auie ua grana quantitat de genre falsificat de diuèrses marques.

Ath delà, darrèr dera estancada localizèren dus linços doblegats que contenguien productes de perfumeria e cosmètica falsificats.

Es agents intervengueren 128 polos, 586 calçotets, 152 samarretes, 68 cremes cosmètiques, 31 dessuadores, 56 pantalons, 6 parelhs de sabates, un xandall e 27 colònies, tot falsificats.