Brussel.les demore qu'es mercats afluixin...

-Dempús eth resultat grec-

Brussel·les demore qu'es mercats afluixin era pression sus Espanya

Eth portavotz d'Assumptes Economics dera Comission Europèa, Amadeu Altafaj, a exprimit aguest deluns era sua confidança qu'es mercats acuelhen de manèra positiua eth resultat des eleccions gregues, guanhades pes partits proèuro.

"Pòt auer ua reaccion positiua e compensada en pòqui dies per ua reaccion negatiua", a soslinhat Altafaj, qu'a comentat que sus es mercats pese encara plan d'incerteses dempús més de tres ans de crisis.
Eth portavotz economic dera Comission a insistit qu'eth compromés deth nau Govèrn grec ena aplicacion gradual des reformes poderie ajudar a calmar es mercats e beneficiar païsi coma Espanya e Itàlia.
Altafaj, en declaracions a RNE recuelhudes per Europa Press, a indicat que maugrat que Grècia represente a penes eth 3% deth PIB dera UE, ei "er epicentre dera crisi", e a soslinhat qu'es incerteses que i auie as autoritats gregues per méter en marxa es reformes pesauen sus auti païsi, coma Espanya e Itàlia.
"Er important ei mantier eth grad de compromés damb es reformes. Ara eth que demoram ei que se forme eth Govèrn com més aviat més bon pr'amor qu'ei urgent que Grècia mete en marxa es reformes, qu'an patit ua parada aguestes darrères setmanes", a dit Altafaj.