Er unic plan ei era confidança en esforç.

-Ditz Santamaría-

EUA e FMI an aclarit qu'er "unic plan ei era confidança en esfòrç reformista"

 

Era vicepresidenta deth Govèrn centrau e portavotz, Soraya Sáenz de Santamaría, a afirmat aguest diuendres que tant es Estats Units (EUA) coma eth Hons Monetari Internacionau (FMI) an mostrat eth sòn supòrt ath reforç reformista, que hè eth Govèrn de Mariano Rajoy.

"Es Estats Units e eth Hons Monetari Internacionau an deishat clar qu'er unic plan qu'existís ei era confidança en esfòrç reformista que hèm", a dit Sáenz de Santamaría en sòn compde de Facebook, recuelhut per Europa Press, amb motiu dera sua visita a Washington.
Entara vicepresidenta deth Govèrn espanhòl, es trobades qu'a realizat damb dirigents internacionaus ena capital estatunidenca an estat "plan fructífers entath nòste país".
Atau, Sáenz de Santamaría a dat es gràcies peth sòn "supòrt" ara directora gerent deth Hons Monetari Internacionau, Christine Lagarde, e ath secretari d'Estat deth Tresor, Timothy Geithner. "Arregraïsqui a Timothy Geithner e a Christine Lagarde eth sòn clar supòrt ath plan de reformes deth Govèrn", a afirmat.