Er Eurogrop cerque un acòrd polític (2012)

-Aguest deluns "9-VII-2012"-

Er Eurogrop cerque un acòrd politic sus eth rescat bancari

 

Es ministres d'Economia dera eurozòna cercaràn aguest deluns un "acòrd politic" sus eth memoràndum damb es condicions deth rescat ena banca espanhòla.

Se se supère un compromés, eth memoràndum s'acabarà e signarà a finau de junhsèga pr'amor qu'es ajudes comencen a arribar dempús er ostiu.

Eth contracte no includirà era chifra finau deth prèst pr'amor qu'er Eurogrop vò demorar ath resultat des quate auditories sus es besonhs de capital banc per banc. Únicament se mencionarà un altre cop eth limit de 100.000 milions d'èuros qu'an prometut es sòcis dera eurozòna entara banca espanhòla, segons a explicat un naut funcionari der Eurogrop.

Er esborrany de memoràndum s'a negociat enes darrères dues setmanes a Madrid pes autoritats espanhòles e es expèrts dera Comission, qu'a actuat en contacte permanent damb eth Banc Centrau Europèu (BCE), era Autoritat Bancària e eth Hons Monetari Internacionau (FMI).