-Palaeontology-
Eth fòssil d'un ueu trapat a Lleida apròpe es dinosaures as aus actuaus
Era troballa d'un ueu fòssil ena Sèrra deth Montsec, a Lleida, a portat es investigadors a refortilhar eth tèsi que dinosaures e aus actuaus partissen un ancestre comun.
Es scientifics dera Universitat Complutense de Madrid (UCM) e era Universitat Autònoma de Barcelona (UAB) centren aguest parentesc alunhat en hèt qu'er ueu a forma ovoïdal, semblanta as ueus des garies, segons publiquen ena revista 'Palaeontology' Eth nau tipe d'ueu a estat batejat damb eth nòm scientific 'Sankofa pyrenaica', e forme part d'un ric jaciment d'ueus de dinosaures que, ena sua majoria, provien de sauròpodes deth Cretàcic Superior, hè entre 70 e 83 milions d'ans.
En aqueth moment eth paisatge dera zòna corresponie en un litoral plen de plages e deltes que guanhauen terren ara mar pera acumulació de sediments, un terren enfangat que permetec era fossilització d'aquerò ueus, ena sua majoria damb ua mesura de 7 centímetres de naut e 4 d'ample, damb ua clofolla de 0,27 mil·límetres.
Cap comentari:
Publica un comentari a l'entrada