-Per beneficència-

Era FEDAIA deplora qu'eth Govèrn remplace politiques sociaus

 

 

Era Federació d'Entitats d'Atenció i d'Educació a la Infància i l'Adolescència (Fedaia) a deplorat aguest dijaus qu'eth Govèrn catalan remplace es politiques sociaus per "beneficència", e a apelat a no confiar era emparança des collectius mès vulnerables ar altruisme des persones e associacions.

 "Maugrat qu'era solidaritat cau, no pòt remplaçar eth papèr dera administracion ena emparança dera enfància e es familhes", a criticat a trauès d'un comunicat era Fedaia, qu'aglutina 89 entitats qu'atien 100.000 mainatges a Catalonha.

Entara Fedaia, er actuau contèxte de crisi e era fauta d'expectatives d'ua recuperacion a curt termini "no pòden servir de justificacion perque s'estene era idèa qu'ei impossible mantier e refortilhar er actuau modèl d'estat dera benestança".

"En temps de crisi, es mainatges deuerien èster es prumèrs a protegir", an urgit as entitats, qu'an arrebrembat qu'es païsi damb baishi nivèus de praubesa e precarietat son es qu'an politiques sociaus garantides.

"Es politiques d'emparança se sostien perque es ciutadans paguen uns impòsts que reverteixen a garantir qu'es persones agen corbidi es sòns drets", a arrebrembat era Fedaia, qu'a demanat ath Govèrn de Mas que priorize era atencion as mendres enes sòns pressupòsts.

Ath delà, an planhut que Catalonha age ua taxa de praubesa infantila d'apròp deth 30% e que des des administracions no se hèsquen "es esfòrci sufisents per evitar qu'es retalhades no afecten eth sistèma d'emparança des mainatges".

Per aguesta rason, an considerat indispensable qu'es partits catalans "blinden" es politiques sociaus destinades ara enfància de manera que, coma minim, se pogue mantier er actuau sistèma de prestacions