-Maugrat deficit-

Eurogrop: A ua "grana fidança" en "potenciau" d'Espanha

 

 

Eth president der Eurogrop, Jeroen Dijsselbloem, a assegurat aguest diuendres qu'a ua "grana fidança" en "potenciau" dera economia espanhòla, maugrat qu'a senhalat qu'encara no demore cap de decision sus ua prorròga deth termini per corregir eth deficit excessiu.

"È ua grana fidança ena economia espanhòla e enes ciutadans espanhòls", a dit Dijsselbloem en arribar ara reünion de ministres d'economia dera eurozòna. "Creigui que i a un gran potenciau a Espanha", a hijut.
"Analisaram era situacion a Espanha mès no creigui que prenam cap de decision aué", a explicat eth cap der Eurogrop dempús demanar-li se da supòrt a dar dus ans mès a Espanha per redusir eth deficit per sota deth 3% deth PIB.
 
Eth vicepresident dera Comission e responsable d'Ahèrs Economics, Olli Rehn, didec aguest dimèrcles qu'encara ei "prematur" prononciar-se sus s'eth Govèrn de Mariano Rajoy poderà dispausar d'ua prorròga entath deficit e que la condicionaràn ara metuda en marcha de reformes addicionales, en particular en mercat laborau.
  
Espanha s'a comprometut damb era UE a redusir eth deficit deth 7% ath 4,5% aguest an e ath 3% eth 2014. Eth Govèrn espanhòl demore arténher dus ans extra e considère qu'er objectiu entà aguest an acabarà en tot situar-se entorn deth 6% deth PIB.