En favor deth dret a decidir,sense acord

Sense acòrd ara reünion des partits en favor deth dret a decidir

 

 

Era reünion qu'an mantengut aguest diuendres es cinc grops deth Parlament favorables ath dret a decidir de Catalonha --CiU, ERC, eth PSC, ICV-EUiA e era CUP-- a acabat sense acòrd maugrat que s'an comprometut a contunhar en tot negociar es pròplèus dies per cercar eth "consens" abans deth plen deth 23 de gèr.

En declaracions ena cramba dempús dues ores de reünion, era portavotz parlamentària d'ERC, Marta Rovira, a destacat es esfòrci que pòrten a tèrme perque toti es partits se senten representadi en ua resolucion "qu'ei plan important que fixe es principis ath torn ara democracia perque Catalonha pogue decidir eth sòn futur politic de manèra pacifica e democratica".

Eth portavotz deth PSC en Parlament, Maurici Lucena, a explicat qu'era "linha vermelha" qu'establís eth sòn partit ei qu'era resolucion se base ena legalitat, e a coïncidit en besonh de seguir en tot negociar.