Què ua banda especialitada en panatòris.

-A pastissaries e escòles-

Què ua banda especializada en panatòris a Barcelona

 

 

Es Mòssos d'Esquadra an desarticulat un grop especializat en panatòris en coneishudes pastissaries de Barcelona e centres docents privats damb er arrèst de cinc persones, segons a informat era policia catalana.

Eth panatòri principau qu'era policia atribuís a aguest grop se produsic eth 4 d'agost en ua coneishuda pastissaria dera Grana Via quan es propietaris observèren, en entrar ath sòn negòci, que tres persones ne gessien vidantes e desbrembauen ua valisa damb ua bombona d'acetilèn, ua bombona d'oxigèn e un bufador.

Segontes es investigadors, un còp es lairons artenherien entrar enes comèrci, cercauen es caishes fòrtes e damb era ajuda deth bufador e diferenti gasi, artenherien daurir-les e panar-ne eth contengut. En panatòri dera pastissaria de Grana Via s'emportèren 3.000 èuros en metallic, chècs bancaris e documentacion.

Es investigadors an relacionat aguesta banda damb enquia 20 panatòris mès, tres des quaus se produsiren en pastissaries e cinc en centres docents privats, toti ena ciutat de Barcelona.

Eth 17 de deseme, es Mòssos realizèren tres escorcolls en dus domicilis de Barcelona e aute deth Hospitalet, que se saldèren damb er arrèst de tres persones --d'entre 19 e 25 ans-- coma presomptius autors des 21 panatòris e era recuperacion d'esturments damb es quaus les cometien, així com 1.650 èuros.

Ath delà des tres detenguts, era policia a identificat quate integrants mès dera banda, dus des quaus --de 23 e 25 ans-- sigueren detengudi pera Policia Nacionala a Madrid eth 6 de gèr, dempús qu'es Mòssos emetessen ua orde de crida e cèrca.