Eth Parlament de Catalonha vòte convocar (2013)

-Ara, damb eth PSC-

Eth Parlament de Catalonha vòte convocar ua consultacion

 

Eth PSC meterà a pròva era tiença deth pacte CiU-ERC damb ua mocion sus retalhades

Eth Parlament tornarà a posicionar-se aguest dimèrcles a favor d'ua consultacion d'autodeterminacion a Catalonha, causa que harà damb eth vòt de CiU, PSC, ERC e ICV-EUiA.

 
Aguesta votacion arribarà dempús eth PSC trinquèsse era disciplina de vòt ath Congrès e toti es sòns parlamentaris mens era exministra Carme Chacón votèssen a favor d'ua consultacion d'autodeterminacion.
  

En prumèr plen d'aguesta legislatura, a mitjan gèr, eth plen aprovèc era declaracion de sobirania damb un tèxte qu'eth Govèrn espanhòl a recorrut ath dauant deth Tribunau Constitucionau (TC).

  Votèren a favor dera declaracion de sobirania CiU, ERC, ICV-EUiA e un deputat dera CUP, e cinc deputats deth PSC no emeteren vòt en protèsta pera decision dera direccion deth partit de refusar aguesta iniciativa.

 En tèxte que se vòte aguest dimèrcles se defen ua consultacion d'autodeterminacion decidida per Estat, la qual cosa no se concretaue ena declaracion de sobirania, e d'aciu eth supòrt deth PSC en pes en aguesta votacion.

 Ath plen se causiràn tres membres deth Conselh de Garantides Estatutàries e es deputats que defeneràn ath Congrès ua proposicion de lei a favor deth rescat selectiu e subvencion de peatges.

  Tanben se liegeràn dues declaracions institucionaus: ua en contra deth barrament dera planta GE Power Control a Sant Vicenç de Castellet (Barcelona) e auta en contra der expedient de regulacion d'ocupacion (ERO) qu'afecte era planta d'Ercros a Flix (Tarragona).

MOCION DETH PSC SUS RETALHADES

   Eth PSC presentarà ath Plen deth Parlament que comence aguest dimèrcles ua mocion que sollicitarà eth Govèrn catalan a hèr marcha enreire ena retalhada deth sòu des foncionaris prevista entà aguest 2013.
   Segons a explicat en declaracions a Europa Press eth portavotz deth partit e diputat dera Cramba catalana, Jaume Collboni, er objectiu ei "tornar a començar eth procès" e qu'eth Govèrn catalan se sètie a dialogar damb es sindicats e no posse mesures coma aguesta peth sòn compde e sense consens.
   Era mocion plantejarà deishar sense efèctes er acòrd deth Govèrn catalan que certifiquèc era retalhada salariau, e Collboni ja a avertit qu'eth sòn grop no acceptarà esmenes que rebaishen eth contengut dera iniciativa parlamentària