Milèrs de veneçolans hèn un homenatge a H.Cávez

-Gessen as carrèrs de Caracas-

Milèrs de veneçolans hèn un omenatge a Hugo Chávez

 Milèrs de persones an gescut enes carrèrs dera capital de Veneçuela, Caracas, damb eth Palau de Miraflores coma principau punt de reünion, per hèr un omenatge ath defunt president Hugo Chávez, qu'an arrebrembat damb càntics de supòrt e damb plancardes damb era sua imatge.

 Eth vicepresident, Nicolás Maduro, a sollicitat era poblacion a gésser ath carrèr e, ja des des prumères ores, es concentracions an estat multitudinàries. Segontes es mejans veneçolans, era situacion a transcorregut sense incidents significatius.
 Eth cap deth Comandament Estrategic Operacional de Veneçuèla, eth generau Wilmer Barrientos, a confirmat en declaracions a TeleSur que, enes carrèrs, "tot se succedís en plea normalitat" maugrat eth "dolor prohond" que s'a estenut entre toti es chavistes.
 Es Fòrces Armades s'an desplegat enes "punts critics" per "garantir era seguretat" dera ciutadanetat. "Hugo Chávez mos ensenhèc un binomi extraordinari, pòble e Forces Armades, e aué mès que jamès deuem hèr-ac ua realitat concrèta", a hijut.
 Atau, segontes Barrientos, institucions e ciutadanetat poderàn èster "mès unidi que jamès" sense quèir "enes provocacions des antipàtria