Preinscripcion escolara a Catalonha (2013)

-Enquiath 22 de març-

Comence era preinscripcion escolara damb 6.200 places mès a Catalonha

 

   Eth procès de preinscripcion entath cors 2013-14 enes escòles publiques e concertades de Catalonha comence aguest deluns e s'alongarà enquiath 22 de març damb ua ofèrta totau de 1.066.228 places, 6.200 mès qu'ath globau deth cors anterior, e damb un descens de 3.000 places ena etapa Infantila mès eth descens de natalitat e deth padró.

   Segontes dades dera Conselheria d'Ensenhament, deth totau de places aufrides, 253.573 corresponen a Infantil (de 3 a 6 ans) --eth cors 2012-13 an estat 256. 573--; 498.575 a Primària (de 6 a 12 ans) --8. 000 places mès qu'en aguest cors--, e 314.080 a Secundària (de 12 a 16 ans), damb ua aumentacion de 1.200 estudiants respecte deth cors 2012-13.
   Atau, aurà 128 grops mens en Infantil --73 mens en P-3--, mès creisherà en Primària damb 371 grops mès e en Secundària damb 59 --12 mens en prumèr d'ESO--, eth que comportarà eth barrament progressiu de cinc centres e era reconversion de dus mès en instituts o Seccions d'Educacion Segondària (SES) entà mendres de 12 a 16 ans.