-Per èster un "error pedagogic e sociau"-

Era escòla concertada refuse era reforma Wert

 

 

Es patronaus de bères ues des escòles concertades de Catalonha an refusat aguest diuendres eth projècte dera Lei Organica de Melhora dera Qualitat Educativa (Lomqe), aprovat eth Consell de Ministres diuendres passat, per èster un "grèu error pedagogic e sociau".

Ac an manifestat en un comunicat conjunt era Agropacion Escolara Catalana (AEC), era Confederacion de Centres Autònoms d'Ensenhament de Catalonha (Acae), era Federacion Catalana de Centres d'Ensenhament (Fecaceen) e era Associacion Professionau de Servicis Educatius de Catalonha (Aspec).

Considèren qu'era actitud deth ministre d'Educacion, José Ignacio Wert, ara presentacion dera lei a estat "bel·ligerant e agressiva", e an planhut eth tractament qu'era reforma educativa hè des lengües, e ath temps an emparat eth sistèma d'immersion lingüistica.