-Aguest dijaus-
Es naui bilhets de cinc èuros dera sèrie ' Europa ' comencen a circular
Es naui bilhets de cinc èuros dera sèrie nomentada ' Europa ', en tot referir-se ath personatge dera mitologia grèga que da nòm en continent, comencen a circular aguest dijaus 2 de mai a tota era eurozòna e includissen diuèrsi auanci en matèria de seguretat respecte des bilhets dera sèrie iniciau, emetudi per prumèr còp eth gèr deth 2002.
Eth nòm dera naua sèrie se deu ath hèt qu'en holograma e era marca d'aigua des bilhets figure un retrat d'Europa, era hilha d'un rei fenici que siguec sedusida peth diu Zeus, transformat en brau, qui la portèc a Creta. Aguest relat inspirèc er usatge d'Europa coma tèrme geografic per part des antigui grècs.
Eth retrat utilizat enes bilhets s'a prenut d'un pichèr de mès de 2.000 ans d'antiquitat trapat en sud d'Itàlia e conservat en Musèu deth Louvre a París. Segontes eth Banc Centrau Europèu (BCE), a estat elegit pera sua "clara associacion damb eth continent europèu e perque hig un toc uman as bilhets".
Cap comentari:
Publica un comentari a l'entrada