Assòcie era preséncia de Pintures Rupestres

-Un Estudi Arqueològic-

Assòcie era preséncia de pintures rupestres damb ua bona acustica

 

 

Era eleccion d'un lòc per hèr pintures rupestres pendent eth Paleolític guarda relacion damb era existéncia d'ua bona acustica per "aumentar er impacte" des rituaus, segons indique un trabalh dera Universitat de Barcelona (UB) e era Universitat de Saragossa.

Eth trabalh a utilizat metòdes dera arqueoacústica, un camp d'investigacion emergenta sus er usatge que hègen deth son es societats deth passat, e s'a centrat enes jadiments qu'existissen en barranc dera Valltorta, a Castelló.
 
Es investigadors concludissen qu'aguestes pintures, que van deth 9.000 ath 6.000 a.C., se placen en abric des barrancs damb més bona sonoritat qu'es zònes que no son decorades,, eth que suggerís qu'era eleccion des lòcs ère relacionada damb era acustica de cada lòc.

Er estudi lo publique era revista 'Journal of Archaeological Science', e en eth es investigadors Carlos García e Margarita Díaz-Andreu gravèren e mesurèren es sons produsidi en diferentes zònes deth barranc, ja siguessen realizadi pera votz umana, fiulets o aplaudiments.