-Despreniment de tèrra-
4 mòrti e 10 desapareishudi en Nepal
Un minim de quate persones an mòrt pr'amor d'un despreniment de tèrra qu'a enterrat cinc veïculs ena region nepalès d'Ilam. Es còssi d'aguestes quate victimes an estat recuperadi, mès i a dètz persones mès desapareishudes.
Es victimes serien ena sua majoria ciutadans indis que se desplaçauen pera zòna de Kolbung e se vederen susprenudi per un laueg de hanga provocada pes fòrtes ploges queigudes enes darrères ores, informe eth portau de notícies 'NepalNews'.
Efectius dera policia, era policia Armada e era Creu Roja trabalhen ja en lòc der incident damb era ajuda des vesins dera zòna. Totun, eth cap de districte Baburam Khatiwoda a arreconeishut qu'es advèrses condicions meteorologiques dificulten es prètzhèts de rescat, ja qu'existís perilh de naui aiguats.
Cap comentari:
Publica un comentari a l'entrada