Eth Castelhan serie oficiau en us Republica Catalana

-Independéncia de Catalonha-

Eth castelhan serie oficiau en ua republica catalana

Garantís que Lara no s'emportarà Planeta de Catalonha

Eth president d'ERC, Oriol Junqueras, a assegurat aguest deluns qu'en ua ipotetica republica catalana independenta "evidentament" eth castelhan seguirie en tot èster, amassa damb eth catalan, lengua oficiau.

 "Era independéncia ei un projècte qu'abrace toti es ciutadans de Catalonha, parlen era lengua que parlen", a sentenciat en un article publicat per 'El Periódico' e recuelhut per Europa Press.

 Junqueras a defenut qu'era diferéncia essenciau en matèria lingüistica en ua Catalonha independenta serie qu'es institucions e era justícia "respectarien era escòla catalana e no aurien era temptacion d'atacar-la e substituïr-la".

   Eth lidèr republican a pronosticat que, se Catalonha se convertís en un Estat, eth president de Planeta, José Manuel Lara, no s'emportarà era sua enterpresa a Madrid o a Conca, com hè uns dies avertic: "No cau patir, no ac harà".

   A argumentat que "cap de bon empresari no càmbie eth sòn negòci de país per rasons lingüistiques", senon per motius economics e logistics, e a sollicitat Lara a no preocupar-se perque, damb era independéncia, toti es ciutadans auràn es sòns drets lingüistics garantidi.

   Junqueras tanben a assegurat qu'un Estat catalan permeterie aplicar era lei der aranés perque aguesta lengua siguesse oficiau e preferent ena Val d'Aran, e s'evitèsse atau eth recors ath Tribunau Constitucionau (TC) qu'eth Govèrn presentèc còntra aguesta nòrma.