-Emparança Civiu-
Plan Inuncat ath dauant des ploges
Emparança Civiu dera Generalitat a elevat a alerta eth Plan Inuncat còntra inondacions pera confirmacion des previsions deth front de ploges intenses, mau estat dera mar e fòrti vents.
Eth telefon d'emergéncies 112 a arrecebut enquia ara 25 trucades relatives ar episòdi de ploges, que preve que, a compdar deth meddia d'aguest diuendres, se poguen acumular mès de 100 litres per mètre quarrat enes Nauti Pirenèus e ena Val d'Aran.
Er episòdi s'alongarà aguesta net e maitiada e i aurà ua trèva enquiath dissabte ath meddia; a compdar d'alavetz e pendent tot eth dimenge, i aurà un episòdi de ploges a tota Catalonha, especiaument ath litorau e prelitorau.
En aguest episòdi se hig era possibilitat de risc de plan de ploja en pòca estona --20 litres per mètre quarrat en mieja ora-- pendent tota era dimenjada a Catalonha, especiaument ena còsta.
Tanben se manten er episòdi per mau estat dera mar, damb prevision d'ondades superiores as 2,5 mètres, qu'afectarà tot eth litorau pendent era dimenjada, pera quau causa Emparança Civiu recomane no apropar-se en espigons ,ni passegs maritims ne plages afectades per onatge.
Er Ajuntament de Barcelona a metut en prealerta eth plan d'emparança civiu municipau per onatge, e es Camins de Hèr dera Generalitat an metut en alerta eth sòn plan d'autoemparança per hèr front a possibles incidéncies.
Cap comentari:
Publica un comentari a l'entrada