Espanha votarà oc ath reconeishement de Palestina
Espanha votarà dijaus en favor d'arreconéisher
a Palestina er estatus d'Estat observaire non membre dera ONU "per
coeréncia" damb era istòria deth nòste país e perque considère qu'aguest
reconeishement refortilharà eth president palestinian, Mahmud Abbas, a
explicat aguest dimèrcles ath Congrès eth ministre d'Ahèrs Estrangèrs e
de Cooperacion, José Manuel García-Margallo.
Açò oc, eth ministre a sollicitat era Autoritat Palestiniana qu'use damb "contencion" eth nau estatut qu'aquerirà probablament e evite denonciar Israel ath dauant dera Cort Penau Internacionau, e ath temps a demanat as autoritats israelianes que no arresponen ath reconeishement en tot asfixiant economicament era Autoritat Palestiniana e en tot espandir era sua politica d'assentaments a Cisjordània.
Cap comentari:
Publica un comentari a l'entrada