Jutges e Fiscaus reclamen taxes moderades

-Accès ara Justícia-

Mès de 300 jutges, fiscaus e secretaris judiciaus s'an concentrat aguest diuendres enes pòrtes dera Ciutat dera Justícia de l'Hospitalet de Llobregat (Barcelona) en contra dera lei de taxes aprovada hè dues setmanes peth Congrès, e an criticat que limite er accès ara justícia.
Es associacions professionaus --Fòrum Judiciau Independent, Jutges entara Democracia, Associacion de Jutges e Magistrats Francisco de Vitoria, Associacion Professionau dera Magistratura, Associacion Professionau e Independenta de Fiscaus, e Union Progressista de fiscaus-- an signat un manifèst en aguest sentit e an criticat qu'era justícia tanben son es sòns professionaus, peth que cau ues condicions dignes de trabalh per poder garantir un tutolatge judiciau efectiu.

An indicat qu'eth malestar deth sector judiciau ei consequéncia d'ua accion en tot no dialogar per part deth Ministèri de Justícia, e an hijut qu'"eth que passe a compdar d'ara depenerà deth que digue eth ministre".

 I