-Escarte pactar damb eth PP-

Mas ve "lèu impossibla" era majoria absoluda

 

 

Eth president dera Generalitat e candidat de CiU ara reeleccion, Artur Mas, a assegurat aguest diuendres que ve "lèu impossible" arribar ara majoria absoluda as eleccions deth 25 de noveme e, en cas de no arténher-la, a escartat pactar damb eth PP.

En ua entrevista de RNE recuelhuda per Europa Press, a sostengut que, en un Parlament a on pòt auer entre sies e sèt formacions, eth vòt se repartís plan, pera quau causa dificilament pòt arténher-se ua majoria absoluda, maugrat que no i a renonciat en tot apelar ara "majoria excepcionau" que reclame per liderar eth procès sobiranista que propugna.

Totun, a negat qu'ac confie tot ara majoria absoluda, e reïtère qu'un bon resultat serie ampliar era distància de deputats que i a actuaument entre es 62 CiU e es 28 deth PSC, que son era dusau fòrça ena Cramba catalana.