Javier Bardem a arrecebut era sua estela de Hollywood

Er actor espanhòl Javier Bardem a arrecebut era sua estela en passeg dera Reputacion de Hollywood

Javier Bardem arrecep era sua estela en passeg dera reputacion de Hollywood

 

 

Er actor espanhòl Javier Bardem a arrecebut era sua estela en passeg dera Reputacion de Hollywood, just un an dempús qu'era sua hemna, Penélope Cruz, auesse er aunor de veir eth sòn nòm immortalitzat en famós bulevard.

Bardem, guanhador d'un Oscar, un Glòbe d'Òr, un BAFTA e cinc premis Goya, a celebrat era sua estela, numèro 2.484 en celebre passeg, en ua ceremònia qu'a agut lòc enes pòrtes deth Teatre Gran Capitan, e ath dauant deth Dolby, auditòri a on se remeten cada an es premis Oscar.

Er actor espanhòl a estat acompanhat per Sam Mendes, eth director dera naua cinta der agent 007, 'Skyfall', així com es actors Naomie Harris e Bérénice Marlohe. Penélope Cruz no s'a deishat veir per aguest cornèr de Hollywood a on tanben arrecebec aguest reconeishement er 1 d'abriu de 2011.

"Ei ua coïncidéncia qu'es dues esteles siguen juntes. Ei ua preciosa coïncidéncia, plan maca. Ei un aunor eth hèt d'auer arrecebut açò", a declarat Javier Bardem.