Els 27 artenheren un acòrd sus un plafon de despena.

-De 960.000 milions-

Es 27 artenheren un acòrd sus un plafon de despena

 

Ultimen eth despartiment des sòs entre politiques e entre estats membre.Es caps d'estat e de govèrn des vint-e-sèt an arribat aguest diuendres dempús mès de 16 ores de negociacions a un principi d'acòrd sus un plafon de despena de 960.000 milions d'èuros entath pressupòst dera UE de 2014-2020, maugrat que seguissen en tot ultimant eth despartiment des sòs entre politiques e estats membre, segons an informat hònts europèes.

 Se se confirme aguesta chifra, serà eth prumèr còp qu'eth pressupòst dera UE patisque retalhades respecte deth periòde anterior, en concrèt lèu 34.000 milions d'èuros en comparació as perspectives financères 2007-2013.

Er acòrd represente eth trionf des contribuables nets, lideradi peth Reialme Unit e Alemanha, que reclamauen mès ajustos en línia amb era austeritat que Brusèlas exigís as estats membre. Ath delà, eth nivèu de pagaments se redusís enquia 908.000 milions d'èuros.

Era part mès grana deth retalhat finau practicat as pressupòsts peth president deth Conselh Europèu, Herman Van Rompuy, (qu'en totau puge a uns 13.000 milions d'èuros) s'a concentrat enes pressupòsts destinadi a infraestructures, R+D e innovacion.

En contrast, er ajust en capitol d'administracion se limite unicament a 1.000 milions d'èuros. S'artenhererà en tot redusir en un 5% eth nombre d'eurofoncionaris pendent eth periòde 2013-2017, en tot aumentar es ores de trabalh e en tot congelar es salaris pendent dus ans.