-Per reformar eth modèl autonomic-
Eth Cercle d'Economia cride ath dialòg politic
Eth president deth Cercle d'Economia, Josep Piqué, a hèt aguest dimars ua crida ath dialòg entre es administracions d'Espanha "damb volentat de comprenuda, sense apriorismes innegociables que pòden portar a un camin sense gessuda e sense confrontacion" per reformar er actuau modèl autonomic e adaptar-lo as circonstàncies actuaus.
Atau s'a exprimit ara presentacion d'ua Opinion d'Actualitat dera entitat sus es consequéncies des eleccions catalanes deth 25 de noveme, en un tèxte qu'expause qu'er actuau modèl autonomic "en sòn dessenh e dinamica, deu adaptar-se as naues circonstàncies", sense excludir ua reforma dera Constitucion.
Piqué a explicat qu'eth sistèma actuau ei plan car e cau redusir eth còst en tot pensar ena benestança des ciutadans e non sonque ena redistribucion deth poder; a cridat a un dialòg assossegat entre es govèrns, e a senhalat qu'era consultacion ciutadana que vò hèr Catalonha eth 2014 "no deu èster un punt de partida ne d'arribada senon un punt de trobada", un pas mès en dialòg e en tot respectar eth marc legau, per auer un marc institucionau eficaç.
Cap comentari:
Publica un comentari a l'entrada