En Espitau de Bellvitge,addiccions a naues tecnologies

-En Espitau de Bellvitge-

Se tiren es consultacions per addiccions a naues tecnologies

 

 

Eth Servici de Psiquiatria der Espitau de Bellvitge a enregistrat un aument des consultacions realizades pes pacients sus addiccions as naues tecnologies, en tot passar deth 0,64% eth 2005 ath 10,56% eth 2012 de toti es casi, segons a informat aguest deluns eth centre e era Conselheria de Salut en un comunicat.

A aguest percentatge se li deu somar eth 12% addicionau de pacients damb ludopatia que presenten problèmes de jòc a trauès deth hilat --pòquer e escomeses esportives--, eth qu'en totau supause un 22,56% des consultacions totaus.

Es elements que hèn qu'es tecnologies dera informacion siguen tan atractives e potenciaument addictives son "era estimulacion constanta e immediata, a trauès des multiples aplicacions qu'aufrissen", ath delà dera possibilitat d'èster connectadi de manèra permanenta.