-Mès no auance-

Er incendi d'Ossera crema 17 ectares

 

 

Er incendi d'Ossera (Lleida) que des d'aguest dimèrcles afecte ua zòna forestau seguís actiu aguest diuendres maugrat que ja no auance, dempús cremar 17 ectares de bòsc e matolls, an informat es Pompièrs dera Generalitat.

  
Es condicions meteorologiques dera net an estat favorables e era zòna se manten sense ahlames, maugrat qu'eth huec seguís actiu perque eth perímetre no ei controtlat damb es linhes d'aigua; se tracte d'ua zòna de dificil accès, damb penyals importanti.

Un totau de 16 dotacions terrèstres des Pompièrs e quate elicoptèrs seguissen en tot trabalhar damb aigua e esturments manuaus per mercar eth perímetre, qu'encara no ei deth tot entornejat, e reaucir quinsevolhe punt caud.