-Animalistes-
Demanen ath Conselh d'Aran que replace dus ossi a Arties
Es entitats animalistes Fondacion entara Adopcion, Apadrinament e Defensa des Animaus (Faada), Depana e Infozòos an demanat ath Conselh Generau d'Aran que replace dus ossi que, asseguren, viuen rebarralhs en "condicions indignes" en ua petita barrada en un parcatge deth pòble d'Arties (Lleida).
Segontes es entitats animalistes, eth 2007 eth mascle partie era gàbia damb un os deth sòn madeish sèxe, mès aguest moric e er Ajuntament d'Arties artenherec un os femelha per substituïr-lo eth 2011.
Es entitats senhalen qu'era administracion locau no les aufrís informacion sus s'a era licéncia qu'exigís era lei per exibir animaus silvestres ath public.
En declaracions a Europa Press, hònts deth Conselh Generau d'Aran an assegurat qu'era administracion complís tota era normativa vigenta, e an senhalat qu'er objectiu ei trasladar es ossi d'aguest espaci.
Es madeishes hònts an arrebrembat qu'eth març daurirà eth Parc de Fauna de Bossòst, a on tanben i aurà ossi, maugrat que d'entrada no seràn es que se trapen a Arties.
Cap comentari:
Publica un comentari a l'entrada