Eth tribunau d'Oslo condemne Breivik a 21 ans...

-Mentaument sa-

Eth tribunau d'Oslo condemne Breivik a 21 ans de preson

 

 

Eth tribunau d'Oslo a condemnat a 21 d'ans de preson er autor confés dera tuada deth 22 de junhsèga de 2011 a Noruega, Anders Behring Breivik, e a declarat, en contra des pretensions des fiscaus e tal com demanauen es victimes e eth madeish tractat, que reünís es condicions de salut mentau adaptades per complir era pena en ua preson.

"Era decision ei unanima", a declarat era jutge Wenche Elizabeth Arntzen pendent era lectura dera senténcia. "Eth tribunau condemne er acusat a 21 ans de preson preventiva", a hijut. Breivik, de 33 ans, auie estat imputat per cargues d'omicidi e per terrorisme en relació amb era mòrt de 77 persones en un atemptat damb coche pompe a Oslo e en un tiroteig posterior ara isla d'Utoya, a on se celebraue un campament des joenesses trabalhistes.

Er autor dera tuada serà reclòs ena preson Ila, enes entorns d'Oslo, en cel·les relativament espaioses qu'includissen ua sala d'exercicis, un ordinador e ua television. Era pena de 21 ans de preson poderie ampliar-se ara sua conclusion s'es autoritats considèren, passat aguest temps, qu'ei un perilh entara societat.

Plan de subrevivents e familiaus des victimes auien reclamat que se declarèsse sa, ja que, en cas contrari, auec diminuït era sua responsabilitat pes atacs.

Eth madeish Breivik auie avertit que presentarie un recors s'eth tribunau lo consideraue mentaument emplàstic e l'auesse barrat en un psiquiàtric en lòc d'en ua preson. Era fiscalia auie demanat era sua reclusió a un psiquiàtric, mentre qu'es expèrts medicaus consultadi ath long deth procès auien dat versions contradictòries sus era salut mentau de Breivik.