Era Lei Mecenatge includirà desgravadures...!

-Copiarà eth modèl francés-

Era Lei de Mecenatge includirà desgravadures deth 60% e 70%

 Era demorada reforma dera Lei de Mecenatge que premanís eth Govèrn centrau copiarà eth modèl francés e elevarà es tipes de deducció, damb desgravadures deth 60% entàs persones juridiques e d'enquiath 70% entàs persones fisiques.

 En un borrolhon dera Lei de Participacion enes Activitats d'Interès Generau e de Mecenatge a qué a agut accès Europa Press, se detalhe un saut quantitatiu respecte dera lei 49/2002, qu'a dia d'aué permet as particulars desgravar enquia un 25% d'IRPF d'aquerò aportat as institucions artistiques, e deth 35% entàs enterpreses.

S'aumplirien atau es demandes d'un sector plan minvat pes retalhades, e maugrat qu'era lei poderie aprovar-se abans deth 2013, eth secretari d'Estat de Cultura, José María Lassalle, a remercat en declaracions recentes que calerie discutir quan entren en vigor aguesti incentius perque era prioritat ei er equilibri pressupostari.

   Ath delà, se sajarà fomentar es petites donacions --micromecenatge--, donc se dedusirà eth 100% des prumèrs 150 èuros dadi, e tanben se premiarà era fidelització, ja que i aurà un maxim d'un 10% addicionau de deducció en cinc ans (2% per an addicionau).