Detengut un lairon que panèc a cinc pisi...!!

-En ua net...-

Detengut un lairon que panèc a cinc pisi d'ua madeisha bastissa

Es Mòssos d'Esquadra an detengut un joen de 18 ans coma presomptiu autor de cinc panatòris damb fòrça en domicilis d'ua bastissa de Llançà (Girona) en ua madeisha net.
Era maitiada deth 18 de noveme se produsic cinc panatòris en ua bastissa dera localitat gironina, en qué er autor forçaue es persianes en tot hèr palanca e dempús era pòrta d'entrada e que no a agut temps de finalizar totes es raflades en tot deishar-se borses premanides damb electrodomestics, segons a informat aguest deluns era policia catalana. 

Era investigacion permetec qu'es Mòssos identifiquèssen e detenguessen Abderrahman N., de nacionalitat marroquina, coma presomptiu autor des hèts; er arrestat, damb antecedents per hèts similars, entrèc ena preson dempús passar a disposicion judiciau.