-Acuse eth PP de "hèr ideologia"-
Eth problèma dera educacion no ei era lengua
Eth secretari generau deth PSOE, Alfredo Pérez
Rubalcaba, a soslinhat aguest dimèrcles qu'eth problèma dera educacion a
Espanha "no ei era lengua".
A acusat eth Govèrn centrau de prepausar ua reforma "retrògrada" e "hèr ideologia" en tot utilizar era crisi coma coartada.
Rubalcaba a auançat qu'eth PSOE no poderà dar supòrt a ua reforma qu'ei "enes antípodes" des sistèmes europèus e a remercat qu'es problèmes dera educacion a Espanha "no se solucionen damb mès examèns" senon ajudant es alumnes mès vulnerables per frenar eth fracàs escolar.
De hèt, cre qu'eth ministre d'Educacion, José Ignacio Wert, a plantejat damb er ahèr dera lengua ua batalha damb sentit "tàctic", perque eth debat entorn d'açò hè que no se parle "dera segregacion educativa", dera revalida, deth "tractament privat que da era lei as concèrts" e que, segontes Rubalcaba, "hè que se li demane austeritat a tot eth món mens ena escòla privada", dera supression d'Educacion entara Ciutadanetat o der ensenhament dera religion, un problèma qu'ara sua manèra de veir ja ère resolvut.
Cap comentari:
Publica un comentari a l'entrada