-Idèa qu'emparauen Espanha e Itàlia-

Era UE escarte crear un hons anticrisi entath caumatge

 

 

 Es caps d'Estat e de Govèrn dera Unió Europea an parcat aguest diuendres era proposicion deth president deth Conselh Europèu, Herman Van Rompuy, de crear un hons anticrisi entara eurozòna que poderie encargar-se de pagar es subsidis de caumatge as païsi en crisi, ua idèa qu'emparauen Espanha e Itàlia.

Ena huelha de rota aprovada aguest diuendres pes lidèrs europèus sus eth futur dera eurozòna s'elimine quinsevolhe mencion a aguest hons anticrisi. En sòn lòc, es vint-e-sèt aposten per crear "mecanismes de solidaritat", e era unica foncion serà encoratjar es reformes enes estats membre.

Aguestes reformes se recuelheràn en contractes bilateraus qu'es Govèrns deueràn signar damb es institucions europèes, era auta novetat contenguda ena huelha de rota. Es lidèrs europèus an encargat a Van Rompuy que presente eth junh deth 2013 proposicions concrètes sus eth format des contractes e sus es esturments de finançament, damb un calendari d'aplicacion.