Més de 130 persones an mòrt a Síria (2012)

-Guèrra Civiu-

Mès de 130 persones, includidi 15 mainatges, an mòrt a Síria

 

 

Un minim de 130 persones an mòrt aguest dimèrcles pr'amor dera guèrra civiu que se viu a Síria, segons a informat er Observatòri Sirià entàs drets umans ena sua pagina de Facebook.

Eth balanç, segontes era organizacion --damb sedença a Londres mès qu'a un ample hilat d'informants a Síria-- includís 51 civius (entre es quaus i a 15 mainatges), 47 rebèls, 32 soldats regulars e dus soldats desertors.

Eth pitjor balanç de civius se produsic ena província de Raqqa (centre-nòrd), damb 20 mòrts --includidi ueit mainatges e tres hemnes--, pr'amor d'un bombardament des fòrces deth regim de Bashar al-Assad còntra ues granges dera aldea de Qahtaniya, en oèst dera capital provinciau, Raqqa.

Ath delà, dètz civius an mòrt ena Província de Damasc (sud), includidi tres mainatges, pr'amor de diuèrsi bombardaments e tirs de franctiradors, e auti tres mendres d'edat an mòrt ena província de Hama (oèst) pera explosion d'ua pompa ena ciutat de Salamiyya e per un bombardament còntra era ciutat de Kafarzaita.

Pel que fa ara mòrt d'insurgents, eth major balanç s'enregistrèc en Idlib (nord-oest), damb 20, 18 d'eri ena region de Maarat ath Naman.

Fin finau, un minim de 32 soldats deth regim an mòrt pr'amor de pompes, atacs e afrontaments enes províncies d'Idlib (16), Hama, Homs, Damasc, Region de Damasc e Alepo.