Redusir en un 5% es complements salariaus

Catalonha retalhe 1.500 milions en sòn tresau plan d'ajust

 

La Generalitat a aprovat aguest dimars eth sòn nau plan d'ajust, eth tresau qu'apròve en un an e quate mesi, e qu'implique ua reduccion pressupostària de 1.500 milions d'èuros.

Eth president Artur Mas a concretat en arròda de premsa diuèrses mesures: redusir en un 5% es complements salariaus des trabalhadors publics e es complements que pague eth Govèrn a funcionaris der Estat; introdusir ua matrícula "modèsta" enes cicles formatius; suspendre era convocatòria de subvencions ne demore rehèr es condicions; privatització de concessions d'autopistes que gestionen empreses publiques (com passe damb es Túnels de Vallvidrera); e ajustos de trabalhadors d'empreses publiques.

Mas a assegurat qu'eth Govèrn catalan s'a vist "obligat" a executar aguest nau plan de retalhades pr'amor qu'eth Govèrn centrau "centrifuga sistematicament" es sòns deficits enes autonomies, e a cargat tanben en contra dera Unió Europea (UE), pera sua obsessió damb era austeritat.