Catalonha e Occitània,Nacions bessones (2012)

Coma eth Plan Ibarretxe. En Pere Navarro cre que el President Mas pòrte Catalonha a un "carreró sense sortida" Eth prumèr secretari deth PSC, Pere Navarro, a assegurat aguest diuendres qu'eth president catalan, Artur Mas, pòrte a Catalonha cap a un "carreró sense sortida que s'assembla al 'Plan Ibarretxe', que no acabèc en arren". Ac a dit en ua entrevista de TV3 reculhida per Europa Press, a on a certificat que segontes era sua opinion, eth Govèrn catalan no sap a on va, e s'a demanat s'eth que vò eth Govèrn catalan ei un "6 d'octobre repetit". Siguec aguest dia der an 1934 quan eth president dera Generalitat, Lluís Companys, assumic tot eth poder a Catalonha e proclamèc "er Estat Catalan dera Republica Federal Espanhòla", eth qu'acabèc damb un enfrontament damb eth Govèrn espanhòl, era suspensió dera autonomia catalana e er empresonament de Companhs e membres deth sòn Govèrn. Ath dauant d'un escenari de confrontació entre Catalonha e era rèsta d'Espanya liderat per Mas, Navarro a assegurat qu'ara s'auer besonh eth contrari, era concòrdia e es amples consensos, peth qu'a tornat a deféner un Estat federal.