Suspendre eth finau de Copa deth Rei

-eventual xiulada-

Aguirre demane suspendre eth finau de Copa

 

Era presidenta dera Comunitat de Madrid, Esperanza Aguirre, a assegurat aguest dimars qu'eth finau dera Copa deth Rei, qu'afrontarà aguest diuendres a Madrid er Athletic de Bilbao e eth FC Barcelona, "cau suspendre e celebrar-se a porta tancada en aute lòc" ath dauant dera possibilitat, que, com ja passèc hè tres ans ath finau que joguèren es madeishi equips a València, se produsisque ua xiulada còntra eth Príncep o durant era reproduccion deth himne d'Espanya.

"Es ultratges ara bandèra o ath himne son delicte en Còdi Penal. No s'an de consentir e per tant, era mia opinion ei qu'eth partit s'a de suspendre e celebrar-se a porta tancada en aute lòc", a manifestat en ua entrevista a Onda Cero reculhida per Europa Press.
En aquest sentit, Aguirre a assegurat que maugrat qu'aguesta decision pòt causar "plan d'enrenou", cau pr'amor qu'aguest tipe de causes "no s'an de consentir".
"Aguest ei eth campionat d'Espanya. Aguesta Copa la remetie eth president dera Republica quan i auie República, Franco quan ère Franco, e ara ei era Copa de Sa Majestat eth Rei, mès ei era Copa d'Espanya", a defenut.