Garantir era seguretat-Finau Copa deth Rei (2012)

-finau Copa deth Rei-

Es Mossos despleguen 1.850 agents per garantir era seguretat

 

Es Mossos d'Esquadra desplegaràn un ample dispositiu damb 1.850 agents per garantir era seguretat dera celebracion deth finau dera Copa deth Rei, que se jògue aguest diuendres a Madrid entre eth FC Barcelona e er Athletic de Bilbao, segons a informat aguest dijaus era policia catalana.

 Eth dispositiu, que se met en marxa aguesta mitjanit, a coma objectiu velhar peth normau desvolopament en totes es localitats catalanes e per garantir era seguretat des aficionats catalans que se desplaçaràn a Madrid per assistir ath partit.
Eth desplegament, que harà prètzhèts de seguretat ciutadana, orde public e transit, garantirà eth corrècte desplaçament des aficionats a Madrid, així com des celebracions posteriores en cas de victòria der equip blaugrana.
Eth finau generarà un important nombre de desplaçaments d'aficionats des de Catalonha cap a Madrid, era majoria en tren e autocar, damb era prevision qu'enquia 43 autocars se desplacen e que gesquen cinc trens des dera Estacion de Sants damb un elevat nombre d'aficionats.
Es diferenti punts de partida compdaràn damb preséncia policial, així com en aqueri municipis catalans a on s'installen pantalles gegants; en cas de victòria deth FC Barcelona, es Mossos meteràn en marxa un operatiu especific enes punts abituaus de celebracion.