Un terratrèmol de magnitud 5,8 sacseja Nòrd d'Itàlia

-Aguest dimars-

Un terratrèmol de magnitud 5,8 sacseja eth nòrd d'Itàlia

 

Eth nòrd d'Itàlia s'a vist sacsejat aguest dimars per un terratrèmol de magnitud 5,8 ena escala de Richter, plan semblant ara deth sisme qu'eth passat 20 de mai causèc era mòrt de sèt persones ena zòna, segons a informat er Observatòri Geològic des Estats Units (USGS).

 
Eth terratrèmol se produsic a 40 quilomètres ath nòrd de Bolonya e a 60 quilomètres en èst de Parma e er epicentre s'an localizat a 9,6 quilomètres de profuditat, segontes er USGS.
 Es messatges difonudi per Twitter e auti hilats sociaus an indicat qu'eth nau tremolor s'a sentut en tot eth nòrd deth país.
 Eth sisme deth 20 de mai auec eth sòn epicentre ena zòna de Ferrara, en centre-nòrd d'Itàlia, e destruir bastisses enes ciutats de Modena, Ferrara, Màntua e Bolonya.
 Un minim de sèt persones moriren e centenars se vederen obligades a húger des sòns ostaus.