-informe qu'afecte es Mossos-

Interior estudie presentar ua queixa as EUA

 

Eth director des Mossos d'Esquadra, Manel Prat, a anonciat aguest diuendres que sospesen presentar ua queixa formau ath dauant deth Departament d'Estat nòrd-american peth sòn informe annau, en quau apareishen informacions sus era policia catalana sense qu'arrés les age contrastat damb eri.

En ua entrevista de Catalonha Ràdio, reculhida per Europa Press, Prat a explicat qu'estudiaràn er informe e s'ac ven convenient presentaràn ua queixa pr'amor qu'arrés no s'a metut en contacte damb era Generalitat pr'amor que "contrarestin" era informacion.
Segons compren en informe deth Departament d'Estat, eth 2010 i auec 552 denúncies relacionades damb presumptes abusos policials a Espanya: 222 còntra era Policia Nacionau, 85 còntra policies locaus, 79 còntra era Guàrdia Civil, 52 còntra es Mossos e 17 còntra er Ertzaintza, entre auti.
Er informe tanben recuelh es polèmiques cargues policials ena plaça de Catalonha durant era acampada deth 15 M e es que passèren durant er intent de bloqueig deth Parlament, així com era denúncia collectiua que se presentèc còntra era Conselleria dempús.