dissabte, 15 de setembre del 2012

Catalonha independenta no Exèrcit (2012)

DIADA

Mas anhela qu'era Catalonha independenta no age exèrcit

Artur Mas En El Acto Institucional De La Diada En La Ciutadella
 
Espanha e no se plantege se serie monarquia o republica
  
Eth president dera Generalitat, Artur Mas, a exprimit eth sòn desir aguest diuendres qu'un futur Estat catalan independent no auesse exèrcit e que seguisse en tot usar eth castelhan coma actuaument.

Ac a dit en ua entrevista aguest diuendres en ABC Punto Radio recuelhuda per Europa Press, en qué a arreconeishut qu'era independéncia no ei un objectiu "a curtíssim termini" e, tanben que i a part der empresariat catalan que sent nierviosisme dempús era multitudinària manifestacion independentista d'aguest dimars de Diada.

Mas a descrit qu'un futur Estat catalan serie "interdepenent" mès qu'independent e que, en quinsevolhe cas, no plaidege pera desaparicion des relacions de tota sòrta que mantien Catalonha e era rèsta d'Espanha.

Dera madeisha manèra qu'eth president deth FC Barcelona, Sandro Rosell, a dit que se Catalonha s'independitzés, er equip blaugrana seguirie en tot jogar ara Liga espanhòla, e " aurie ua relacion intensíssima damb er ensems d'Espanha".

"Seríem europèus toti, e es laci sentimentaus, es interèssi e es relacions no se talharien dera net ath dia", a assegurat Mas, en tot indicar qu'en cap de cas no va a plantejar-se ua separacion absoluda e dramatica entre es dus territòris.

A remercat que plaidege perque era independéncia arribe dempús ua victòria en un referendum, e a refusat qu'un futur Estat catalan age exèrcit: "Èm laguens d'un marc conjunt", qu'ei era OTAN e era UE, peth que no a sentit destinar recorsi a defensa quan era tendéncia ei partir recorsi en seguretat e en escala militara, a dit.

Era futura Catalonha independenta tanben deuerie mantier er usatge deth castelhan, ua lengua qu'as catalans les conven saber e que seguís en tot èster d'usatge comun per plan de catalans.

En quinsevolhe cas, eth futur de Catalonha no deu hèr-se "damb guerrilhes e a trompades, senon de manèra civilizada", tal com arribe en Regne Unit, qu'a permetut un referendum sobiranista a Escòcia, a on govèrnen es nacionalistes.

A indicat que no a cap de problèma a usar era paraula 'independéncia': "No è cap d'objecció que s'utilize", a hijut, en tot evitar posicionar-se sus s'un futur Estat deu èster ua republica o ua monarquia, bèra causa que segontes era sua opinion deuerà decidir-se mès endauant.

Mas a negat qu'era independéncia dividisque a CiU, e s'a mostrat convençut que, enes pròplèus eleccions, CDC e UDC acordaràn per consensus un programa comun qu'"abrace es majors sensibilitats".

Entà eth, ei "un problèma e ua grana solucion" ath temps era sobirania plea entà Catalonha, e eth hèt qu'aguest territòri age eth madeish grad d'autogovèrn que païsi petiti d'Europa en tot citar es exemples d'Àustria e Dinamarca.

A assegurat que Catalonha per era soleta serie viabla, dempús demanar-li sus eth hèt que, a dia d'aué, aguest territòri a tres milions de trabalhadors, e dus de pensionistes e arturats.

Cap comentari:

Publica un comentari a l'entrada