-Dempús quèir un 17,5%-
Es ipotèques sus abitatges mèrquen nau minim eth junhsèga
Eth nombre d'ipotèques constituïdes sus abitatges a pujat a 24.291 eth junhsèga d'aguest an, damb ua queiguda deth 17,5% respecte deth madeish mes de 2011.
Segontes es dades difonudes aguest diuendres per Institut Nacionau d'Estadistica (INE), damb er arrepè interannau de junhsèga, es abitatges hipotecats encadenen ja 27 mesi de queigudes consecutives. Eth descens de junhsèga a estat mès moderat qu'eth de junh, quan es abitatges hipotecats se redusiren un 25,2%.
En quinsevolhe cas, era chifra totau d'ipotèques sus abitatges de junhsèga ei era mès baisha en aguest mes laguens dera sèrie istorica comparabla, iniciada eth 2003, e era tresau pitjor dada dera sèrie en quinsevolhe mes dempús eth d'abriu d'aguest an (21.498 abitatges hipotecats) e eth d'octobre der exercici passat (22.193).
Cap comentari:
Publica un comentari a l'entrada