-De manèra liura, democratica e pactada-
Boya reivindicarà eth dret a decidir entàs aranesi
Eth secretari generau d'Unitat d'Aran (UA) e exdeputat deth PSC en Parlament, Francés Boya, a anonciat aguest diuendres qu'eth sòn partit presentarà mocions favorables ath dret a decidir dera region ath Conselh Generau d'Aran e enes ajuntaments.
En un comunicat, Boya a declarat qu'eth posicionament preten demanar eth dret dera Val d'Aran a decidir eth sòn futur collectiu "de manèra liura, democratica e pactada", en tot emparar-se ena volentat d'autodeterminacion exprimida aguesta setmana peth Parlament.
Era proposicion, que ja se votarà aguest diuendres en plen der Ajuntament de Bòssost, demane que s'arreconeishe "eth caractèr nacionau, era lengua, era cultura e es institucions pròpries" deth territòri, recuelhudes en Estatut deth 2006 e ara lei de regim especiau deth 1990.
Cap comentari:
Publica un comentari a l'entrada