Era manifestacion der 11 de Seteme.

-11 de Seteme-

De Gispert demore qu'era manifestacion refortilhe era posicion de Mas

 

 

Era presidenta deth Parlament, Núria de Gispert, a exprimit eth sòn desir qu'era manifestacion der 11 de seteme refortilhe eth president Artur Mas deuant era reünion damb Mariano Rajoy.

En declaracions a Catalunya Ràdio recuelhudes per Europa Press, a desirat que Mas pogue anar ara reünion damb "plan de catalans ath darrèr" que vòlen mès sobirania fiscau, sobirania nacionau, drets, libertats e autogovèrn.

De Gispert a assegurat que non toti es assistents ara manifestacion dera Jornada seràn independentistes, mès qu'oc son en contra deth "mautractament" a Catalonha, e demore que servisque entà un cambi en modèl de finançament.

A afirmat que no assistirà ara manifestacion, mès qu'en acabar arreceberà en Parlament es organizadors dera marcha perque li expliquen com s'a desvolopat e li remeten eth sòn manifèst.

A assegurat que manifestacions coma era d'aguest dimars se pòden compdar "damb es dits" a Catalonha, e a arrebrembat era de 1977 per Estatut.

De Gispert a soslinhat que serà ua marcha reivindicativa, que se presente diferenta e multitudinària, ena quau plan de catalans vòlen "manifestar-se collectivament pes libertats de Catalonha".