Era Val d'Aran se promo ena hèira de Moscou

-Destin d'ivèrn-

Era Val d'Aran se promò ena hèira Otdykh Leisure de Moscou

 Es enterpreses araneses Vaquèira Beret e Alps Exclusivity & Service promòn era Val d'Aran coma destin d'ivèrn ena hèira Otkykh Leisure de Moscou, qu'englobe Rússia e es antigues republiques sovietiques e se celèbre enquia aguest dissabte, a informat Torisme Val d'Aran, qu'a un catalòg de servicis d'ivèrn arrevirat ath rus que se repartirà enes estancades de Vaquèira Beret e era Agéncia Catalana de Torisme.

  Vaquèira Beret aufrís eth sòn materiau promocionau en rus en aguesta hèira e Alps Exclusivity & Service, dedicada ara organizacion d'eveniments e que tanben va per prumèr còp ara trobada, trabalhe en paquets toristics qu'includisquen crompes a Barcelona e estades de luxe ena Val d'Aran.

   Torisme Val d'Aran s'a prepausat incidir en mercat emissor rus e s'a mostrat "entusiasta" ath dauant des paquets toristics barradi que ja aufrissen enterpreses locaus, ja que, segontes dades dera Agéncia Catalana de Torisme, eth nombre de visitaires de Rússia creisherà un 40% aguest an.

 Ath temps, trabalhe ena promocion amb vista ara sua participacion ara hèira de torisme MITT de Rússia eth març, a on assistirà conjuntament damb era Agéncia Catalana de Torisme per potenciar es contactes damb operadors toristics e agents de viatges.

Segons a destacat, eth 60% deth torisme rus en Estat espanhòl elegís Catalonha des des ans 90, e er esquí alpenc creish un 20% annau a Rússia