-Catalonha-
Mas ditz qu'era ofèrta a Adelson a caducat
Eth president catalan, Artur Mas, a anonciat qu'eth 31 d'agost caducar era ofèrta que li auie hèt eth Govèrn a Sheldon Adelson perque s'installèsse Eurovegas a Catalonha.
Ara era Generalitat a "es mans liures" per cambiar es condicions ara enterpresa nòrd-americana o negociar auti projèctes.
En declaracions a Catalunya Ràdio recuelhudes a Europa Press, a explicat qu'eth conselhèr d'Economia e Coneishement, Andreu Mas-Colell, trasladèc eth passat 19 de junhsèga a Las Vegas Sands Corporation qu'era ofèrta catalana serie vigenta enquiath darrèr dia d'agost, pera quau causa ara ja a expirat.
Maugrat que no a constància que Adelson age prenut ua decision, a considerat "probable" que s'acabe en tot installar a Madrid --Alcorcón-- e a arrebrembat que tostemp a sostengut qu'era capital espanhòla tostemp a agut mès possibilitats que Catalonha.
Cap comentari:
Publica un comentari a l'entrada